كُر وُري گئو دي وُري شو به كَمينه

مَر گَمونت كَد بستِن صُحو تا پَسينه

هر کی عاشق بو شو و رو خو نداره

ته سُوارِ قافله کِی اینشینه

آسمون تش نِها به صحرا اُن ئي سوسه

نرم بارونی ایخو خاکه بِوُوسه

کُر جِغِلیَل نِ خَوَر کن که جَم آبون

تا بوازیم هم زنو هَل هَلِ کوسه

بَنگ بکن تا پیایل بیان هیاری

آخه مال ره بار وَنه جا وارگه پاری

وا دي اَمشو تا خروسخون دور يك بويم

تا درآو افتو بيا روز وا دياري

دُر تو هم واکُن تشَ دیلق به پا کن

ار کمک ایخوی وُری جار و هیا کن

دُرگَل جَم کن وا با خوت دور چاله

هیوه بیارین بچله دیندا نیا کن